Daytime Emmy Awards 2024: 'General Hospital' in award 4 la

Daytime Emmy Awards 2024 chu US huna Inrinni liam ta zan khan Los Angeles-ah sem a ni a, 'General Hospital' chu che ṭha berin award pali a la a, kum li chhung chu a zawnin daytime drama award a dawng ta a ni.

51st annual Daytime Emmy Awards hi 'Entertainment Tonights' anchor pahnih, Kevin Frazier leh Nischelle Turner-ten an host leh a, kum 2022 leh 2023 khan an host tawh bawk. Kuminah hian outstanding daytime personality-ah an pahnih hian nominate an ni nghe nghe.

Kum 98 mi, legendary star Dick Van Dyke chuan daytime drama series, “Days of Our Lives.” aṭangin guest performance award a dawng a, Daytime Emmy dawng tawh zinga upa ber a ni.

Kelly Clarkson chuan talk series award a dawng a, ani pawhin he award hi kum li a zawna a dawnna a ni ta. Robert Downey Jr show pawhin a ṭum khatna atan Lifestyle programme-ah award a dawng ve bawk.