Sean ‘Diddy’ Combs’ Honorary Degree lak kir sak dawn

Howard University board of trustees chuan Sean 'Diddy' Combs hnena kum 2014-a honorary degree an lo pek chu lak kir sak leh an rel a, an institution chawimawina sang ber kawl tur hian a tlak tawh lo niin an sawi. Hei bakah an institution tana Combs-a'n USD mtd 1 a lo thawh tawh pawh pek kir leh an tum bawk.

Washington D.C-a black research private university, Howard hian Combs-a'n kum 2016-a InterContinental Hotel-a a bialnu hlui, singer Casandra CAssie Venture kut a thlakna video a darh hnuah he thutlukna hi an siam ta a ni. Combs hian a chet dan chungchangah hian a Instagram-ah pawh thupha chawina a lo post tawh bawk.

Kum 1867-a din, Howard University aṭanga zir chhuak zingah hian Chadwick Boseman, Phylicia Rashad, Anthony Anderson, Roxie Roker and Taraji P. Henson; comedianleh TV personality Nick Cannon; novelist Toni Morrison; novelist leh poet Paul Laurence Dunbar bakah writer leh journalist Ta-Nehisi Coates-te pawh an tel.