JLo leh Ben Affleck-ten an in an zuar

Jennifer Lopez leh Ben Affleck-te chu an nupa inkar boruak a ṭha lo a, inṭhen an tum nia thuthang a awm mek karah, rinhlelh ti zual turin an in an zuar zui leh.

Lopez leh Affleck hian kum khat chuang awrh liam taa Beverly Hills estate, USD mtd 60 chuanga an lei chu an zuar leh a, realtor Santigiago Arana chu buaipui turin an ti a ni. An mansion hi square foot 43,000-a zau niin, bedroom 20, bathroom 12, theatre, gym, spa, pool leh guesthouse bakah outdoor entertaining area pawh a awm. JLo leh Affleck hi hun eng emaw chen an inkawp hnuin an inṭhen a, nupui pasal dang neiin an ṭhen leh ve ve a, 2021 khan inkawp thar lehin, 2022-ah an innei. JLo hi a pasal hmasa Marc Anthony nen fa pahnih an nei a, Affleck hian a nupui hmasa Jennifer Garner nen fa pathum an nei ve bawk.