Eminem 'Houdini'-in streaming platform a luah hneh

American rapper Eminem a la ropui zel. A single thar, 'Houdini' chuan music khawvelah thawm a nei lian a, streaming platform a luah hneh hle.

'Houdini' hi Eminem album tih chhuah tur, "The Death Of Slim Shady"-a mi a ni a, May 31 khan a single hi ti chhuakin, hemi kar hian Spotify-ah stream mtd 56 chuang a nei nghal a, he platform-a rap song zinga kar khat chhunga stream nei ngah ber dawttu a ni. US bikah ni li chhungin official on-demand stream mtd 30 chuang neiin, copy 36,000 a hralh nghal bawk. YouTube-a pawh May 31-June 6 inkar khan view mtd 60 chuang a nei bawk a, ram 14-a YouTube chart-ah No 1 a ni. UK-ah pawh stream mtd 13.3 a nei a, kum 2020-a 'Godzilla' hnuah UK chart-topper a neih lehna hmasa ber a ni. UK chart-a No 1 ni thei hla 11 a neihna a ni bawk.