Dave Myers tribute ride-ah biker 20,000 an tel

TV chef boral ta, Dave Myers hriatrengna pualin kar liam ta Inrinni khan 'Dave Day' buatsaih a ni a, mel 300 zeta thui, London to Barrow-in-Furness-a tribute ride buatsaihah biker 20,000 vel an tel.

Hairy Biker Dave Myers tia hriat lar hi kumin February 28 khan kum 66 mi niin, cancer natna avangin a boral a ni. A puala tribute ride buatsaih rual hian London-a Institute of Cancer Research leh NSPCC children charity tan sum an tuak nghal a, Town Hall-ah concert neih zui a ni. 'Dave Day' an hman hi Jason Woodcock huaihawt a ni a, Cumbria-a Barrow-in-Furness an thlen meuh chuan bikers hi 30,000 vel an tlin a rin thu a sawi. Buaina leh harsatna lian tham awm loa biker rualten tribute ride an nei thei chu lawmawm a tih thu sawiin, bike community chungah lawmthu a sawi bawk.