Edu Options - Assembly Annex-ah nei dawn

East India Education Fair buatsaih hmasa ber leh vawiin thlenga hmahruaitu la ni char char chu zirlaite tan a rawn inchhawp chhuak leh dawn ta. May 31-June 1 hian 14th Edu Options 2016 chu Assembly Annex Basement 1, (Opposite Tennis Court) ah neih a ni dawn a, University zinga zirna ṭha nia hriat hlawh Manipal University, Gitam University, Presidency University, Sea-Group Institutions Bangalore, IIMS, UNison University, Alliance University, Archarya Group of Institutions bakah University dang 30 chuang tel tura beisei an ni.

Edu Options-ah hian 'Mega-draw' nitin neih a ni leh dawn a, smart phones, selfie sticks, SD car pendrive te man theih a ni ang. Chawhma dar 11AM - 5PM chhungin tlawh theih a ni dawn a, luh man a awm lo, a thlawn vek a ni. Counter-a ṭhu tur te hi college/university mi leh sa an ni a, zawhna zawh theih an nih bakah, i hriat duhte hrilh tur chein an awm e. Institution thenkhat chuan hmun kilkhawr ami te tan sawrkar, voluntary foundation te nen tang kawpin scholarship/Concession an pe thei a, 12th/Bachelors pass tawh tan chuan zawh ngei ngei chi. Course i lak tur chuan i damchhung a nghawng dawn tih hria la, ti mai mai suh ang che. Zirlai mai bakah a duh apiang tan chhim theih a ni ang.