Fashion Fiesta

Hmeichhia tu pawh mai hian kan nitin mamawh dah khawmna emaw in tih nalhna/changkanna atan pawh a ni ange, bag kan kawl deuh vek niin alang. A mantam deuh, a tlawm, sale a ni emaw, secondhand pawh ni sela, a tua te pawh hian ngainat zawng leh duh deuh bik kan nei vek awm e. Tleirawlte coin purse atanga nula te racksack a ni emaw a upa lam deuh handbag pakhat tal neilo chu kan awm awm lo e. Kumin 2016 chhunga designers te siamchhuah handbag bika hralh kal leh mite ngainat hlawh zual bik tarlang dawn teh ang.

1. Christian Dior - He fashion brand lian leh lar em em mai hi thawmhnaw brand a mite hriat hlawh ni mahse an bag siamchhuah reng reng mite lawm hlawh a tling hat zel. He brand hi 1946 daih tawha din ni mahse a kum telin mite hlut an hlawh chho a, brand tha tak an nih avangin an bag quality pawh duhthusama tha leh man to a ni. Sap ram angah te chuan nalh nan leh inlak changkan nana handbag to tak tak lei piah lama invest/tihpun tumna avanga to tak tak lei an awm. A tha ang reng phian a ngaina tan chuan tuna design dangdai deuh hi nakin kum 5 hnu lamah chuan a let hlawka a man a tam mai piah lamah limited edition te anih thin avangin mi ten an hlut zual em em a, sum peipunna tha tak a ni bawk a ni.

2. Burberry - He brand ngat phei hi chu bag branded ho rau rauah a rei tawh ber bakah a man tam berte zinga mi a ni a, an man tam tluk hian a design, a cut, a thui, a material hi a dangdai in duhthu a sam em em mai a ni. A tak/original te hmu pha chiah thin lo mah ila, kan ramah chuan secondhand-ah hian a original hmuh tur a awm zauh zauh. Heng atang ringawt pawh hian an bag belhchian dawl dan tur zia kan hre mai awm e.

3. Marc Jacobs - He brand lar tak pawh hi New York lam chhuak niin bag mai piah lamah perfume, sana leh thawmhnawah te mite hmelhriat tak an ni a, an bag siamchhuah te hi a tunlaiin a design simple deuh si hi hmeichhia te ngainat ber pathumna a la hauh pha reng a ni.

4. Parade - A hming hrelo kan la awm nual awm e, thawmhnaw brand an nih ve miau loh avangin lo la hmelhriat lutuk loh pawh a awm tho a ni. Bag ah na na na chuan khawvela a hralh hnem pawl an ni awm e. Jewellery leh accessories lamah pawh an duai lo hle. Bridal (mo) leh naupang, mipa tan pawh a bik taka siam clutch leh bag te an siamchhuak thin a ni.

5. Balenciaga - Mimal tak pawha ka ngainat leh ngaihsan, Spain lam chhuak brand hi brand lar ho zingah chuan a mantam leh mantlawm deuh nei awmchhun anni awm e. An bag siam te hi a tunlaiin milar te leh thalai deuhte ngainat rawn a hlawh hle a ni. A man tlawm ho pawh hi belhchian a dawl em em tho a, mi nawlpui in an ban phak tura duan a ni deuh ber. Hei vang te hi niang khawvela a hralh na pawl an nih chhan te pawh hi.

6. Hermes - Handbag ngaina ho tan chuan he brand hming hrelo hi kan awm awm lo e. An bag quality that zia chu thuhran, a leather a tha in, bag rawng an nei chikim hle a, i kawr eng pawh mil thei tur anga rawng dang lam pawh an kawl ngei ang. Milarte a bikin filmstar leh zaithiam ten he brand hi an bawh nasa zual em em a ni.

7. Coach - Brand hlui ber niin 1941 daih tawha handbag lo siam chhuak tawh an nihnate pawh a nia nge, he brand zet zawng ngainatu a ngah cu thuhran, a man pawh a tam. A tlangpuiin an handbag ho hi mi nazawng neih phak loh changing uchuak tak ang ho hi a ni tlangpui a, a rawng pawh duhthusama thlan tur an siamchhuk hnem hle a ni.

8. Chanel - Handbag chiah nilo, fashion brand hrim hrim sawi chuan hming common leh lar tak, kan sawihmaih theih loh tur zinga mi a ni tlat. Bag mantam leh quality tha, milarte duh rawn leh in tih changkan nan taka khawvelin a brand hi a hman miau avangin a to lo theilo. A original i lei zolo deuh anih pawhin firstcopy nalh tak tak a awm tih hria la, lo belchiang teh, brand rintlak berte zinga mi an ni.

9. Michael kors - Hmeichhia a tua te pawh hian he branded bag neih hi kan chak vek awm e. Brand upa tawh tak niin American brand te zinga mite lawm hlawh leh handbag ah na na na chuan a berte zinga mi niin, an design na na na chu hre lo kan awm awm lo e, a ti hlu zual tu cu, a duplicate tam em em mai hi a ni. Thil hi a lem leh entawn tu an tam chuan a tak hlutzia a tilang chiang hle a ni. Design pawh an nei ngah hle a, hengte avang hian awards pawh an lo la teuh tawh nghe nghe a ni.

10. Kate spade - A leather quality-ah na na na chuan midang el phak lohin he brand America lam chhuak hian pakhatna an hauh tlat mai a, a bikin bag ngaina leh atchilh tute ngainat a hlawh fal em em a ni. A man a tam, a quality tha bakah a design tharlam leh tunlai tak hi khawvel mite ngainat rawn a nihna te pawh ania nge.