Champions League final-a zai tur Bocelli

English Premier Leauge champion Leicester City-in Stamford Bridge-a nomawi an chawi ṭuma zai Andrea Bocelli chu, zanina Champions League final San Siro-a Real Madrid leh Athletico Madrid ten an khelh turah a zai leh dawn. Italian Bocelli hi kum 1958, September 22 khan a piang a, kum 1998 khan 'People's 50 Most Beautiful People' ah thlan a lo ni tawh. Grammy Awards-ah vawihnih nominate a lo ni tawh bawk a ni. January 2010-a Grammy Awards sem a nih khan Mary J Blige leh David Foster te nen Haiti lirnghing tuarte hriat reng nan 'Bridge over Troubled Water' tih hla chu an lo sa tawh bawk a ni. Bocelli hian June,1992 khan nupui a nei a, fapa pahnih an neih hnuin an inṭhen leh. Kum 2002 khan Veronica Berti nen an innnei leh a ni.