Piracy-in Europe a nghawng

Music industry a len poh leh piracy-in a nghawng a lian ve zel a ni ber mai. European Union ram 19-ah chauh, piracy avanga sum hloh zat hi kum khatah Euro mtd 170 (USD mtd 190) zet a tling.

European Union Intellectual Property Office-in a tarlan danin, kum 2014 chhung chauh khan Europe-a music industry bika piracy zawng zawng hi USD mtd 190 vel zet a ni a, chu chu music hralh zawng zawnga sum chevel aṭanga 5.2% zet a tling.

Digital bikah hian piracy avanga sum hloh zawng zawng chu USD mtd 126 lai a ni a, physical (CD leh DVD ang chiah te) ah chuan USD mtd 63.5 a ni. EU ram 19 zinga tuar nasa ber ber chu UK leh Germany te an ni. Germany ringawt hian USD mtd 44.5 a hloh a, UK hian USD mtd 54.6 a hloh. France hi physical-a an hralh ṭhatna a ni a, music hralh hmun thuma ṭhen hmun hnih zet chu physical-in a ni, chuan a sum hloh hi USD mtd 29 lai a ni. Sweden hi digital-a tuar nasa a ni a, a chhan chu Spotify neitute awmna hmun a ni.