Spy X Family season 3 siam dawn

Anime series lar tak, 'Spy X Family' chu season 3 siam a ni dawn tih Japan-a SPY x FAMILY Anime Extra Mission event-ah an puang.

Season thar tur hi buaipui mek a nih thu an puan rual hian, 'super teaser visual' pawh tih chhuah a ni a, hetah hian Anya leh Bond te an lang a ni. Mahse release hun tur leh cast member turte erawh an la sawilang lo. Season hmasa pahnihah khan episode 37 a awm a, he series-ah hian secret agent Twilight, a mission tipuitling tura chhungkaw pa ber anga a awm dan chungchang a ni. Season 1 hi April - October, 2022 kha ntih chhuah niin, Season 2 hi October, 2023 khan tih chhuah a ni. Producer hi CloverWorks leh WIT Studio niin, Kazuriho Furhashi chu director a ni. Television series bakah hian Takashi Katagiri direct-na hnuaiah anime movie, 'Spy x Family Code: White' chu tih chhuah a lo ni tawh bawk.