Kim Soo Hyun, Rowoon, leh Jeon Somi-ten KCON LA 2024 'M Countdown' host dawn

KCON LA 2024 chuan 'M Countdown' host tur an puang ta a, Day 1-ah Rowoon, Day 2-ah Jeon Somi leh Day 3-ah Kim Soo Hyun-ten an host dawn.

KCON hi K-culture puala khawvel huap festival lian ber niin, ram hrang hrangah neih a ni ṭhin a, concert leh convention-te neih a ni. Kumin hian July 26-28 chhungin Los Angeles-ah neih a ni dawn a, Crypto.com Arena leh LA Convention Center-ahte neih a ni ang. Kim Soo Hyun hi South Korean actor hlawh tam ber zinga mi niin, a channa, 'Queen of Tears' drama chuan khawvel pumah en a hlawh hle. Rowoon hi a hming tak Kim Seok Woo niin, actor leh singer a ni a, boyband SF9-ah pawh a lo tel tawh ṭhin a, lemchan lamah pawh a hlawhtling chho hle. Jeon Somi pawh hi a hming tak Ennik Somi Douma niin singer a ni a, South Korea leh Canada-ah a khawsa ṭhin. Survival reality show, Produce 101-ah winner a ni a, he show-a eleven-piece project girl group, I.O.I. ah a tel a, an project a zawh hnuin solo in a kal zui a ni.