Kelly Clarkson-in Katy Perry a thlak dawn lo tih a sawi

'American Idol' judge, Katy Perry-in singing show hi a chawlhsan tawh dawn tih a puan hnuah, a thlaktu tur chungchangah sawi a tam hle a, 2002-a he show winner lo ni tawh, Kelly Clarkson hming pawh sawi rik a nih laiin Clarkson chuan judge a ni dawn lo tih a sawi chiang. Katy Perry hian music career lama insawrbing chhoh a duh vangin American Idol judge aṭang hian a chawlh tur thu hi a sawi a ni.

Musician tam tak tan 'American Idol' judge panel-a tel chu thil chakawm tak tur ni mah se, Clarkson chuan thil dang zawng aiin a fate chu a dah pawimawh ber tih sawiin, "LA-a awm ka ngai dawn a, hei hi The Voice ka chawlhsanna chhan pawh kha a ni," a ti. Clarkson hian ama pualin talk show a nei a, show a neihna hi LA aṭangin New York-ah a sawn tawh a ni.