Visiting Professor tur Angelina Jolie

Khawvela zirna hmun ṭha berte zinga mi, London School of Economics-ah Angelina Jolie chu Visiting Professor a ni dawn a, kum 2017
aṭangin a hna hi a thawk ṭan ang.

London School of Economics hian kum 2017 aṭang hian Master course-ah 'Women Peace and Security' zirtir turin Angelina Jolie hi an hmang dawn a, he course hi an siam thar a ni. He course-ah hian indonain a nghawng leh, hetiang kara hmeichhiate dinhmun chungchangah zirtir a ni ang.

Jolie hian lecture a pe ang a, chu bakah chuan workshop buatsaihah te telin, amahin research te awh a ti nghal thei ang.

Jolie hi tunah hian United Nation hnuaiah High Commissioner for Refugees (UNHCR) chuan kum 2001 aṭang khan palaiah an hmang a ni. Khawvel hmun hrang hranga raltlante tlawhin an dinhmun a zir
chiang a, indona hmuna hmeichhiatena an tawrh dan te, mipat hmeichhiat≠na kawnga nawrh leh tihluih an nih dante a lo thlitlaiin, heng hmeichhiate tan hian hma a lo la tawh ṭhin a ni.