'Transformers: Beast Wars' Comic nakkumah

IDW Publishing  chuan nakkum hian Transformers: Beast Wars kum 25 tlin lawmna pualin Transformers: Beast Wars comic book series thar a tichhuak dawn.

Series thar an tihchhuah tur hi Erik Burnham chuan a ziak dawn a, Transformers artist Josh Burcham nen an thawkdun dawn a ni. Anni pahnih hian Cybertron an rawn herlum leh dawn a, hero Maximals leh villain Predacons-te an rawn thar thawh leh ang.  

Editor David Mariotte chuan hemi chungchang hi sawiin Beast Wars chu Transformers legacy-a pawi­mawh tak a nih thu sawiin kum 25-a tlin lawm­na puala eng emaw tihchhuah loh chu an in­thiam thei lo tih a sawi. February aṭangin series thar hi an tichhuak dawn a ni.

Series thar an tihchhuah rual hian Hasbro chuan Beast Wars toys an tichhuak nghal dawn bawk a, hemi hun velah hian Netflix pawhin War for Cybertron third act, a title a Kingdom tih chu an tichhuak dawn bawk a, Transformers lam buaipuitute chuan Beast Wars era chawh nun leh an tum viau niin a lang.

Beast War hi kum 1996 khan tihchhuah niin Transformers franchise-a ngaihhlut hlawh pawl tak a ni.