khawvela Chenna atana khawpui duhawm ber Vienna

Mercer Quality of Life Survey chuan khawvel hmun hrang hranga khawpui 299 aṭangin chÍnna atan khawi khawpui hi nge ṭha ber ang tih an zirchiang a, chuta an hmuh chhuah chu Austria khawpui Vienna hi a ni.

He survey-ah hian khawpui hrang hrangte chu hriselna lama inenkawlna te, zirna hmun leh zirna kalphung ṭhat leh ṭhat loh te, chÍnna tur in te, environment thil hrang hrangte an zir a, chuta ṭang chuan Vienna khawpui hi chÍnna atana khawpui duhawm berah an thlang chhuak a ni. Khawpui duhawm an thlan chhuah a sang zingah hian German ṭawng hmanna khawpui a lang tam hle. Austria hi German ṭawng hmanna ram tho a ni.

New York, Paris, London tih vel hi khawpui lar, fashion lamah phei chuan khawvel hmahruaitu ni mah se, chÍnna tak tak atan chuan an aia khawpui nuam a lo awm nual mai.

ChÍnna atan khaw duhawm ber dawttu chu German ṭawng hmanna khawpui, Switzerland khawpui langsar Zurich hi a ni. Switzerland ram chhung khawchhak lamah hian German ṭawng an hmang. Zurich hi thil man to leh to loh chungchangah chuan a chhuanawm ber a ni lo a, thil man a to ang reng viau a, mahse tehna hrang hrangah a ṭha hle a, pahnihna a ni.

Pathumna chu New Zealand khawpui lian Auckland a ni a, Europe khawmualpui pawna chÍnna duhawm thlan chhuaha thleng sang ber a ni. Top 10-ah hian pasarih chu Europe chhunga mi a ni a, heng zing≠a pathum chu Germany chhung≠a khawpui pathum - Munich, Dusseldorf leh Frankfurt te a ni.

Heng khawpui thlan chhuahah hian a sang zual chu Europe, Ocenia leh North America deuh vek an ni a, Asia aṭanga thleng sang ber chu Singapore niin, 26-na a ni. Khawpui lar zingah Berlin, Germany chu 13-na, Paris chu 37-na, 39-naah London, 44-naah New York, Hong Kong 70-na, 75-naah Dubai, 117-naah Rio de Janeiro, 118-ah Beijing, 129-ah Bangkok te an lang. India-ah chuan Pune a thleng sang ber a, 144-na, 145-na Bangalore, 150-na Chennai, 152-na Mumbai, 160-na Kolkata, 161-naah New Delhi te an lang.

ChÍnna hmun ṭha 10

1 Vienna, Austria

2 Zurich, Switzerland

3 Auckland, New Zealand

4 Munich, Germany

5 Vancouver, Canada

6 Dusseldorf, Germany

7 Frankfurt, Germany

8 Geneva, Switzerland

9 Copenhagen, Denmark

10 Sydney, Australia