Billboard 200-a roreltu Taylor Swift

Taylor Swift chuan Billboard 200 album chart-ah ro a rel chhunzawm zel a, a album thar ber, 'The Tortured Poets Department' chu a zawnin kar sarih chhung No 1-ah a awm ta.

Kum 34 mi, superstar Swift hi kum 2023 hnua a zawna album chart-ah kar sarih chhung No 1 ni thei hmasa ber a ni a, hemi bakah kum 2020-a a album, 'Folklore' in No 1 a nih theih hun chhung chu a rawn khum bawk. A album hrang hrang hmangin chart-ah hian kar 76 chhung No 1 dinhmun a hauh tawh a ni.

Kar liam ta khan 'The Tortured Poets Department' hian US-ah equivalent album unit 148,000 neih belh lehin, he album-a hla 31 te hian on-demand official stream mtd 157.26 an nei bawk. Traditional album sale hi 27,000 a la tling.

No 2-ah ATEEZ "Golden Hour: Part.1" awmin, equivalent album unit 131,000 a nei. Billie Eilish 'Hit Me Hard and Soft' chu No 3-ah a tla thla a, equivalent album unit 117,000 neiin, Morgan Wallen 'One Thing at a Time' chu No 4-ah a la awm nghet zui zel. Shoobozey chuan a album thar, 'Where I've Been, Isn't Where I'm Going' chu No 5-ah a lanpui ve bawk.