'Hunger Games' prequel film siam dawn

'Hunger Games' prequel film thar siam a ni leh dawn a, kum 2026-ah tihchhuah tum a ni.

Nikum November thla khan 'Hunger Games' prequel, “The Ballad of Songbirds and Snakes” chu tihchhuah a lo ni tawh a, box office lamah pawh che ṭhain, USD mtd 337 a la lut a ni. Hei hi Suzanne Collins lehkhabu behchhana siam a ni. Mahse author hian lehkhabu thar, 'Sunrise on the Reaping' tih a buaipui leh mek a, nakum lamah tlangzarh a tum. He lehkhabu behchhan hian film hi siam leh a ni dawn a, kum 2026, November thlaah tih chhuah hman an tum. Kum 2012 aṭanga 'Hunger Games' installment zawng zawng direct-tu, Francis Lawrence bawk chu director a ni leh dawn nia sawi a ni. “The Hunger Games: Sunrise on the Reaping' hi “The Ballad of Songbirds and Snakes” hma lam kum 24 liam taa thil thleng chungchang a ni.