Movie thar -June thlaah movie hit hmel tur a tam
June thla kan chuangkai a, khawthlang ramten Nipui an tih tak tak kha a ni chho tawh a, movie chhuak tur, ṭha tak tak a tam chho dawn. Mizoram aṭang chuan movie theatre pangngai kan nei lo a, chuvang chuan pirate lam kan lo ‚wn ve leh hmel.
Zirtawpnia chhuah ṭan tur movie a tam a, movie thar hi US-ah chuan pakua ngawt a chhuak dawn a, chung zingah chuan Teenage Mutant Ninja Turtles: Out of the Shadow hi beisei a sang ber. Teenage Mutant Ninja Turtles chhuak hmasa, kum 2014-a mi kha a hlawhtling a, tuna mi pawh hi box office-ah pakhat a nih theih an ring a, a changtu ngai, Megan Fox pawh a chang leh dawn. Hemi nia action movie chhuak tur dang chu Andron a ni.
June 10-a movie chhuak thar tur zingah WarCraft, Now You See Me 2 leh The Conju≠ring 2: The Enfield Experiment te hi mit la tak tur an ni. Warcraft hi computer game aṭanga movie-a lo chhuak ta a ni ber a, Orc ten Azeroth an r˚nna chanchin a ni dawn a, game-a character-te pawh hmuh kim inbeisei ila kan tisual lo mai thei. Now You See Me en tawhte kha chuan Now You See Me 2 hi en leh ngei an tum ang. Illutio≠≠nist pali (magician) ten FBI an bum hnuah thil thar dang an rawn ching chhuak leh dawn. Kum 2013 khan The Conju≠ring hi hlawhtling zetin an lo tichhuak tawh a, a chhunzawmna tur The Conjuring 2-ah hian thil dangdai (paranormal) chhui chianna dang kan hmu leh ngei ang.
June 16 hian US-ah chuan chhuah tur a tam vak lo a, tarlan chinah chuan AAIC: Teatro Alla Scala chiah a lang. June 17 hian movie chhuak tur a tam viau a, mahse blockbuster tih tur ang chi chu a awm lo mai thei. Central Intelligence hi comedy a ni a, The Last King hi drama a ni a, chu pawh US pumah chhuah a ni dawn lo a, theatre thlan bikah chauh chhuah a ni ang. June 22-ah pawh Nuts chauh chhuak tur tarlan a awm.
Will Smith channa hit zet mai, Mizoram-a cinema theatre pangngai a la awm laia chawl loa kar khat chuang zet mai an chhuah Independence Day kha, khami chhunzawmna Independence Day Resurgence chu June 24 hian tihchhuah a ni ang. Hei hi box office-a hit tura ngaih a ni. A changtute erawh an hran tawh a, Jeff Goldblum te, Liam Hemsworth te kan hmu tawh thung dawn. Alien thiamna hmuh≠chhuah thar a ni a, chumi chu hmang ṭangkaiin khawvel pum chuan alien tena khawvel an beihna tur laka inhumhim dan ṭangrualin an buaipui a, chutiang thiamna hmang chuan engtiang takin nge alien te an hmachhawn tih vel he film-ah hian kan hmu ang. Free State of Jones hi American Civil War lai behchhana siam a ni.
Blake Lively channa The Shallows hi June 29-a chhuah tur a ni. Lively hi Nancy lemah changin, tuipuia a surf laiin nghahringei (shark)-in a rawn bei a, na takin a hliam a, mi tumahin an hmu si lo. Hliam na tak tuar chunga nungdam tura a beihna chanchin a ni ber mai.