Mana Motors-in Mahindra motor thar XUV 3X0 khuh hawng

Mana Motors chuan nimin khan an showroom, Bawngkawn-ah Mahindra motor thar XUV 3X0 khuh hawnna neiin, chief guest Lallianmawia, IPS Rtd. chuan a khung hawng.

Khuallian chuan Mahindra motor thar chu tunhma aia chuan nuam zawk, changkang, chak leh passenger tan him zawk a nih thu sawiin, Mana Motors-in lei theih tura khuhhawnna an nei chu lawmawm a tih thu a sawi.

Mana Motors Dealer Principal Dr. Franklina chuan,“ XUV 3X0 hi booking nghah chhung a rei dawn lo a, customer-ten an motor book an hmuh zung zung theih nan hian company pawhin thla khata motor 9000 siam chhuak thei turin factory pawh a tilian tawh a ni,” a ti.

XUV3X0 ah hian Petrol leh Diesel Engine duhthlan tur awmin, Petrol Engine bikah hian chi hnih (2)- TCMPFi 1.2 L 110bhp leh TGDi 1.2L 129bhp a awm a. Diesel Engine CRDe 1.5L 115bhp a awm bawk. Chetsual theihna tam tak laka veng thei tur tunlai technology changkang tak “Advance Driver Assistance System(ADAS) “ LEVEL2 a hmang tel bawk a ni. Motor man hi Rs nuai 7.49 aṭanga a in ṭan.

Mana Motors hi Mizoramah September 2013 aṭangin an kalpui ṭan a, a tirah thawktu 50 vel ruaiin tunah hian 205 an awm tawh. India hmarchhaka dealer lian pathum zingah tel tawhin, kumin chhoah thla khata lirthei 200 hralh thei turin target an insiam.