Kum 42 hnuah Duran Duran 'Rio' cover model hre chhuak

Duran Duran-in 1982 May thlaa an album tih chhuah, 'Rio' album cover thlalak chu kum 42 hnuah tunge a ni tih hriat chhuah a ni.

'Rio' album cover hi illustrator Patrick Nagel ziah niin, kum rei tak chhung chu fan-ten tu thla nge a ziah tih an lo buaipui tawh a ni. Hemi hnu hian Patrick Nagel chanchin zirtu leh art broker, Monica Moynihan chuan Nagel fan account-ah darkar tam tak a sen hnuah, Nagel-a'n album cover-a thlalak a entawn chu a hrechhuak ta tih sawiin, 1981 Vogue Paris cover photo a entawn a ni tih a rawn sawi ta a ni. Hei hi a technical assistant, Barry Hahn pawhin a nem nghet bawk. Vogue cover ami hi model Marcie Hunt a ni. Duran Duran pawhin Mohiyan post hi an repost ve nghal a, Hunt pawh hian lo comment-in, album cover chu a thlalak entawna ziah a ni tih a hriat loh thu sawiin, fam ta Patrick Nagel chungah pawh lawmthu a sawi bawk. Nagel hi kum 1984 khan a boral a ni.