Ariana Grande-i'n Weverse a join dawn

American singer leh actress, Ariana Grande chuan South Korean multinational entertainment company, HYBE America a thawhpui dawn a, an thawhdunna atana a hmasa ber turin HYBE global fan communication platform, Weverse a join ve dawn.

Arianda Grande hi HYBE American subsidiary, HBA nen an thawk dun dawn a, an thawhdunna hian Grande beauty brand, REM beauty pawh a huam tel dawn a ni. HYBE chuan Weverse hi 'super app' tiin a sawi a, translation hi ṭawng chi hrang 15 in a awm. Kum 2019-a an siam kha a ni a, tunah hian khawvel pumah monthly user hi maktaduai 10 chuang an awm tawh a ni. Artist-te hian he app kaltlang hian post leh live stream-te an neih theih bakah, an bungruate an zuar thei bawk a ni. Weverse hmang ṭangkai mektu artist eng emaw zat zingah hian BTS, NewJeans, Blackpink leh Conan Gray te pawh an tel.