Zote Honda-in Urban Cruiser Taisor khuh hawng

Zote Honda chuan nimin khan an motor thar, Urban Cruiser Taisor khuh hawnna hun Millenium Centre-ah an hmang.

He hunah hian Aizawl additional SP (traffic), Sarah Lalrinkimi chu khuallian niin thuchah tawi a sawi a, mipuite tana hriat tur pawimawh traffic rules-te sawiin, nu leh paten an fate licence nei lo chunga motor an khalh tir chu dan bawhchhiatna a nih thu te, a hremna dan khauh tak awmin lungin tan thleng hrem theih an nih thute a sawi. Motor launch thar hi Info Cars lamin review neiin, Mizoram tana motor ṭha leh belhchian dawl a nih dante an tarlang.

Urban Cruiser Taisor hian 360camera view ,9’inch infotainment display surround sound tech by ARKAMYS neiin wireless charging thlengin a awm. A chhung a zau ṭhain, felfai taka duan a ni. Ex-showroom price-ah Rs 7,73,500 - 12,87,500 inkar a ni.