Kum 15 hnuah R.E.M perform ho leh

New York-a Ningani zana Songwriters Hall of Fame gala neihah, R.E.M member palite chu kum 15 hnua a vawi khatna atan an perform ho leh.

Michael Stipe, Mike Mills, Bill Berry leh Peter Buck te chu stage-ah rawn inlan ho lehin, “Losing My Religion” an rawn sa a ni. Stipe chuan an vaia aiawha thu sawiin, an band din tir aṭanga thlawptute chungah lawmthu a sawi. Band-in full concert a neih hnuhnung ber chu kum 2008, November thlaa Mexico City-a an neih kha a ni. Kum 2016 khan Downs ho tan private party-ah an play a, mahse 2008 hnuah hian vantlang tana perform erawh an nei tawh lo. R.E.M hi Songwriters Hall of Fame 2024-a lak luh zinga an tel a, anni bakah hian Steely Dan leh Hillary Lindsey, Timothy Mosley (Timbaland), Dean Pitchford leh Cindly Walker te an tel bawk.