'Trooping the Colour' parade-ah Princess of Wales

United Kingdom lal fapa, Prince William-a nupui, Princess of Wales, Kate Middleton chu Inrinni liam ta khan King Charles III birthday lawmna, 'Trooping the Colour' parade-ah a inlan a, hei hi thla ruk dawn hnua mipui hmuha a inlan lehna hmasa ber a ni. Princess of Wales hi kumin March thlaah cancer a vei tih puan a ni a, hemi hma hian hun eng emaw chen pawn chhuak loin a lo inenkawl tawh bawk.

Central London-a parade neihnaa pawh Princess of Wales hi a a fate pathum - Prince George, Princess Charlotte leh Prince Louise-te nen tawlailir-ah an chuang ho a ni. Kate hian mipui hmuhah rawn inlan leh mah se, a royal duty erawh a la chhunzawm thei dawn lo. A inenkawlna hi thla eng emaw chen chhunzawm a la ngai dawn tih amah ngeiin a hmain a lo tarlang tawh a ni. King Charles III pawh hi a cancer tih puan a lo ni tawh bawk a, ani pawh hi enkawl mek a ni bawk a ni.