Supreme Court-in 'Hamare Baarah' film a stay sak

Supreme Court chuan 'Hamare Baarah' film chu a teaser aṭang pawhin thil huatthlala tak tak a awm a ni tih a hriat nghal thu sawiin, theatre lama release tur chu a 'stay' sak.

'Hamare Baarah' ah hian Islam sakhua rinna tihbawrhbanna lam a awm a, Quran-a thu chang an tarlante pawh a dik tawk lo tiin Bombay High Court-ah petition theh luh a lo ni tawh a ni. June 7-a tih chhuah tum kha a ni a, mahse petition thehluh vang hian June 14 thleng stay sak a ni. Mahse hemi hnu hian kar liam ta Zirtawpnia release tum chungchangah, Supreme Court lamah petition hi an thehluh leh a, court chuan " A teaser pawh heti khawpin a huatthlala a, a movie pum phei chu eng ang nge ni ang?' tiin a lo stay sak ve leh a ni. He film hi Kamal Chandra siam niin, Ashwini Kalsekar, Annu Kapoor leh Paritish Tripathi te an chang.