Annecy film festival-ah 'Totto-Chan' in award ngaihhlut a dawng

Khawvela animation film festival lian ber zinga mi leh ngaihhlut ber, ni sarih awh Annecy International Animation Film Festival chu Inrinni liam ta khan France-ah zawh fel a ni ta.

Feature film tana special award siam, Paul Grimault Award chu Japanese anime, "Totto-Chan: The Little Girl at the Window," hnenah hlan a ni. He film hi Shinnosuke Yakuwa direct a ni a, Japanese actress Tetsuklo Kuroyanagi-i'n a naupan lai chanchin a ziahna lehkhabu behchhana siam a ni. Cristal Award chu dark comedy, 'Memoir of Snail' in a dawng bawk a ni.

Graduation Films caterogy-ah Indian film, 'Maatitel' chuan Lotte Reiniger Award a dawng ve bawk.

Festival-ah hian ram 103 aṭangin accredited attendee 17,400 an tel a, international guest lar tak takin an telpui bawk a ni. Zirtawpni khan Special Prize sem niin, Inrinni-ah competition prize winner te puan an ni.