Tony Awards 2024 : 'Stereophonic' in award 5 dawng

American Theatre Wing leh The Broadway League-in kum tina Broadway theatre puala chawimawina an siam, Antoinette Perry Award for Excellence, Tony Awards tia hriat lar chu Pathianni zan khan sem a ni.

77th Annual Tony Awards hi New York-a David H.Koch Theater-ah neiin, a kum thumna atan Ariana DeBose bawkin a host leh a, Jay-Z leh Alicia Keys chuan 'Empire State of Mind' an perform bawk.

David Adjmi production, 'Stereophonic' chu che ṭha berin award panga a dawng a, heng zingah hian Best Play award pawh a tel. 'Stereophonic' hi three-hour play niin, 1970s chhoa band pakhatin an hit album siam tura an beih chhoh dan a ni. 'The Outsiders' leh 'Merrily We Roll Along' ten pali ve ve an dawng bawk. 'The Outsiders' hian Best Musical dawngin, 'Merrily We Roll Along' chu best musical revival atan thlan a ni.

'Harry Potter' star Daniel Radcliffe chuan Musicals-ah best actor in a featured role a dawng a, heihi Broadway show panga a neih hnua award a dawnna hmasa ber a ni.