Swiss museum aṭangin lemziak 5 la thla dawn

Switzerland-a art museum lar ber zinga mi, Kunsthaus Zurich museum chuan an museum-a khawvel artist lar tak tak lemziak an pho lan zinga panga chu an la thla rih dawn tih a sawi.

Lemziak panga an lak thlak tur zingah hian Claude Monet leh Vincent van Gogh lemziakte pawh an tel. Heng lemziakte hi German arms dealer, Indopui II hun laia Nazi ho hnena ralthuam hralh ṭhinin lemziak a lak khawm, Emil Buhrle Collection-a mi niin, heng lemziakte hi Nazi ho ruk, Burhle-a'n a neih a ni em tih an chhui chiang leh phawt dawn niin foundation board chuan a sawi. Kum 1956-a a boral khan Buhrle hian lemziak hlu tak tak 600 vel a lakhawm hman a, a tam zawk chu Bührle Foundation chuan Kunsthaus museum tan hian kum 20 chhung atan loan-in a hawh tir a ni.