Budget tlem sum lalut hnem Paranormal Activity

Pirates of the Caribbean te a siam nana sum an sen nasatzia kan hria a, an sum lakluh pawh a tam. Budget sang, sum lalut tam hi a ropui viau nain, budget tlem, sum lalut hnem hi a hlu zawk mah awm asin.

Budget tlÍm si, sum lalut hnem chu Paranormal Activity kha a ni. He film sum lakluh zawng zawng hi USD mtd 193 a ni a, Avatar sum lakluhte nena khaikhin chuan a tlem a, mahse a siamna senso ngaihtuah chuan hlawhtling rem rem tak a ni. A hlawhtlin avang hian a chhunzawmna pawh siam chhoh a nih kha.

Paranormal Activity siam nana an sum senso chu USD 11,000 chauh a ni! He film director hi Oren Peli a ni a, ama in chhungah, ni sarih chhung TV camera a dah a, chu chu a senso hautak lai chu a nih mai hmel e! He thlahrang film hian khawvel pumah USD mtd 193 zet a lalut a, film siam tawh zawng zawnga hlawhtling ber a ni. Hetia a hlawhtlin tak avang hian Paranormal Activity film dang pawh siam chhunzawm leh a nih hlawm kha. A chhunzawmna hrang hrangte nena sum a lakluh tawh zawng zawng chu USD mtd 805 zet a ni. A hnuhnung ber, The Ghost Dimension kha chu a budget a sang ve deuh tawh a, USD mtd 10 lai senga an siam a ni a, USD mtd 78.1 lai a lalut.

The Bliar Witch Project hi hlawhtling ber dawttua ngaih a ni. He film siamna senso hi USD 60,000 chauh a ni a, a ṭhen chuan hei aia tlem niin an sawi. Hetiang lek senga siam ni mah se, khawvel pum aṭanga a sum hmuhchhuah e≠rawh USD mtd 248 zet a ni. Hei pawh hi thlahrang film a ni a, a entu tam tak chuan a tak taka thil thleng emaw an ti a, mahse a film siamtute an kawm aṭangin chan chawp a ni tih an hre chauh; kum 1999-a tihchhuah kha a ni.

Nikum mai khan Mad Max: Road Fury hlawhtling zet maia tihchhuah a ni. Mad Max film series zinga a hmasa ber, Mad Max ringawt kha khawvela film hlawhtling berte zinga mi a ni, Guinness World Record buah 1980-99 chhunga movie chhuak zinga hlep hnem ber tiin a chuang nghe nghe. He film hi kum 1979-a tihchhuah kha a ni a, a siamna senso hi USD nuai 3 chauh a ni a, a sum thawh chhuah erawh USD mtd 99.75 zet a ni.

Napolean Dynamite film chu USD nuai 4 zenga siam a ni a, USD mtd 46 zet a thawk chhuak thung a, American Graffiti chu USD 777,000 zenga siamin, USD mtd 140 lai a thawk chhuak.

Sylvester Stallone-a film chan hit em em, Rocky film ho kha, khangho zinga a hmasa ber, Rocky kha khawvela film hlawhtling ber zinga mi a ni. USD mtd 1, a
ṭhen chuan a tling lo deuh anga an sawi, chauh an sen laiin, USD mtd 225 zet a hlawh chhuak thei. Horror film bon zet mai, 'Saw' pawh kha USD mtd 1.2 chauh an sen laiin, USD mtd 103 zet a hlawh chhuak thei. Slumdog Millionaire pawh kha USD mtd 15 chauh an sen laiin, USD mtd 377 lai a lalut.