Gorilla kahhlumin sawizui a hlawh

Cincinnati-a sahuanah nupa tuak khat chuan an fapa chu zawng lian (gorilla) an enpui a, an fapa hi gorilla awmnaah an ti tla a, a hnuah gorilla pakhat, naupang tla lo chhawnchhaihtu chu sahuan thuneituten an kaphlum. He thu hian sawi zui a hlawh hle a, Hollywood milarte pawhin an khel nasa hle.

Naupang nu leh pate demna thu khawvel hmun hrang hrangah tarlan a ni a, fate enkawl zo lo nu leh pa tiin dem an hlawh hle. He gorilla, an kahhlum tak hi kum 17 mi a ni tawh a, a hming chu Harambe a ni.

Katharine McPhee pawhin gorilla a khawngaih thu sawiin, nu leh pa fimkhur loh vanga gorilla kahhlum a ni ta chu pawi a ti a, sahuan a huatna chhan a ni tih a sawi. Robin Williams-a fanu, Zelda Williams chuan ramsate hung chhunga dah a, hmuhnawma chantira sum hmuh nana hman chu ṭha lo a tih thu a sawi. Gorilla awmna hmuna naupang a tla thei chu mak a ti tih a sawi. Video-a a landanin gorilla hian naupang hi a awmna tura an siam chhunga tuiah a hnuk nasa hle.