Zootopia a hlawhtling zel

Animated movie-ah chuan Zootopia hlawhtlinna a sang zel a, tunah chuan animation zinga khawvela sum lalut hnem ber palina a tling der tawh a, chu mai bakah animation kher lo zingah pawh, chhunzawmtu nei lo, chhunzawmna ni lo movie zinga sum lalut hnem parukna a tling tawh.

Animated movie zingah Frozen chu sum lalut hnem ber a ni a, USD tld 1.276 zet a lalut a, pahnihna chu Minions niin, USD tld 1.159 leh pathmna Toy Story 3 niin, USD tld 1.063 a ni. Zootopia hi palina niin, tunah thleng hian USD mtd 991 a lalut tawh.

Movie, chhunzawmna ni lo, chhunzawmtu pawh nei lo ang chiah Zootopia hi sum lalut hnem parukna a ni. Lalut hnem ber chu Avatar (USD tld 2.787) a ni a, Titanic (USD tld 2.186), Frozen (USD tld 1.27), Jurassic Park (USD tld 1.029 - kum 2013-a 3D-a an tihchhuah leh nen), Alice in Wonderland (USD tld 1.025) te Zootopia hmaah hian an awm.

Zootopia hian US aṭang ringawt pawhin USD mtd 336 zet a lalut tawh a, a la lakluh belh mek zel bawk. Disney-in movie a tihchhuah tawh zinga sum lalut hnem ber 11-na a ni a, hma a la sawn zel a rinawm. Critics te chuan nakkuma Oscar sem hunah Best Animated Feature-ah a lan ngei an ring.