Risk fuh Underworld

Vampire leh Werewolf film hmuhnawm leh hlawhtling Underworld film ho kha, Kate Beckinsale chuan tihchhin fuh tak a ni tih sawiin, a tir chuan beiseina a nei chau hle a, mahse studio hotuten an thlÍm a, chutichuan risk tak meuh meuhin Underworld film-ah a zuang lut a ni.

Underworld-a Selene lema chang Kate Beckinsale chuan, "Comic bu emaw, video game emaw pawh behchhan engmah a nei lo a; thil awm sa engah mah a innghat lo," tia sawiin, "Tunlaia film tam ber chu lehkhabu emaw, game emaw, eng emaw behchhan neia siam zel a ni," a ti. A thawnthu kalhmang tur emaw, vampire leh werewolf indona lam hi mipuiin an ngaihven sa leh hriat sa a ni lo a, chutiang, thawnthu ruangam leh character din chawp aṭanga Underworld hi siam a ni tih a sawi a, a hlawhtlin lohna tur thil tam tak a awm a ti.

Kate chuan, "Hei bakah hian khatihlai khan film-a a changtu bera hmeichhe hman kha a hlawhtlin lohna tur chhan lian zingah a tel ṭhin bawk," tia sawiin, a tir chuan a hlawhtlin pawh a ring lo tih a sawi a ni. Mahse khawvela vampire lam hawi film hlawhtling ber tih ngam a ni ta hial a, Underworld-ho film zawng zawng a kha a hlawhtling vek a ni.

A thawnthu ruangam a ṭha a, costume a nalhin a ṭha em em a, hei vang hian film dang pawh a chhuak ta zel a ni. Underworld hlawhtlin hnuah hetiang lam hawi film pawh a chhuah hnem phah hle. Tunah hian Underworld thar ber tur, Underworld: Blood Wars chu buatsaih mek a ni a, Kate hi a chang leh. He film hi kumin October 16 hian US-ah tihchhuah ṭan a ni ang.