Fashion Fiesta

Tun ṭum chu fashion huang chhunga incheina thawmhnaw, bag emaw pheikhawk chul thei lo leh mite thinlunga reh leh ngai tawh lo tur, siamchhuah hmasa ber a ni leh lar hmasa ber tlem azawng thailang dawn teh ang.

60ís chhoa film lar tak Belle De Jour-a a changtu nu, Catherine-i'n pkeikhawk pum dum, a chunga buckle awm a bun kha vawiina designers tam zawk pumps (pheikhawk hming chi khat) design idea neihtirtu ṭha tak a ni chho ta zel a ni. Filmstar lar chuai thei lo fashion kaihhnawih lam rik apianga a hming chuai tawh ngai lo tur Audrey Hepburns-i'n a film channa Breakfast at Tiffanys-a a thawmhnaw dum nalh tak inbel kha Givenchy kutchhuak niin, vawiina fashion ṭawngkam pakhat little black dress lo chhuahna pakhat a ni. Hranghlui designer Yves Saint Laurents chuan painting pakhat a hmuh aṭanga thawmhnaw a siamchhuah tak, tunlaia rawng inmil lo kan inmiltir tak kan uar em em mai, colour block dress lo chhuahna ìMondrian dressî hi 60ís chhoa siamchhuah nimahse vawiin thlengin kan la uar tluang zel chu a nih hi.

A hmei a pa, a tu a te pawh mai hian kan tleirawl chhuah dawna neih ngei ngei tura kan ngaih, Chuck Taylor All Star Basket ball Shoes, vawiina Converse All Star tia kan hriatlar hi tun aṭanga kum 50 hnuah pawh kan la hlut zel dawn niin alang. Khawvela pheikhawk bun tam berte zinga mi a ni reng a ni. Khawvel awm tirh ata band ṭha ber pawla sawi hmaih tawh ngai loh tur The Beatles Ankle High Boots an tih mai, Beatles hoin an rawn tihlar tak kha rock & roll ngainatute chuan music nena inkungkaihna nei tlat awm ziazangin, vawiin thlengin music industry-a chuangkaite chuan an uar chho ta zel a ni.

70ís chhoa hmeichhe pheikhawk a heel chhah tep tup anih lai khan Manolo Blahnik chuan gang design kha a hne a,
ṭhangthar tena kan ngainat rawn leh, mipa pawhin a nalh leh sexy an tih ngawih ngawih Stiletto Heels Pencil, anga sin sang thlarh mai hi vawiin thlengin khawvel hmeichhiate incheina mawi berte zinga mi a la ni reng a ni. Wrap Dress tia khawvelin a hriatlar tak, kawr invuak≠thuah, a kawnga hren khawm, phelh leh hak awl≠sam tak mai Diane Von Fur≠stenbergs siamchhuah chu kawr design dangdai rawn chhuak hmasa pawl a ni ta a ni. John F Kennedy nupui Jackie Kennedy-i'na a uar leh ngainat em em, a chhuahvah leh len khawthawn nikhuaa a dara a bah chhuah tak ziah, Gucci bag chu 70ís chhoa an brand-in an lar pui tak em avangin Jackie O Bag tih hming alo put phah ta hial a, khawvela bag hralh chhuah hnem berte zinga mi a tling ta hial reng a ni.

Combat Boots kan tih mai, Lace Up Boots tih pawha an hriat lar, Dr. Martens-a siamchhuah chu vawiin thlenga ṭhalai ten an ngainat a lo ni chho ta zel a ni. Vawiina wedge leh platform pheikhawk lo chhuahna a ni hial awm e tih turin Kork-Ease Platform Shoes an tih mai chu a hunlaia kekawr tlang arh leh pawnfen chhing A-cut an tihho nen a inmil hle a ni. Hand Bag siamchhuaktu Company pangngai ve tak chuan 80ís chhoah khan Jain Birkin tana Bag an siam chu larpuiin vawiin thlenga Bag lar leh Hermes Brand tilartu ber a lo ni ta.

Donna Karan Jersey dress lo chhuah hma zawng kha chuan hmeichhiate incheina thawmhnaw chu smart tak, puan chhah leh tlo, f‚n loa duan a ni tlangpui ṭhin a, amaherawhchu he Jersey dress hian mite thinlungah puan f‚n, themlem deuh hlek pawh hi hmeichhe incheina mawi tak a ni thei a ni tih a rawn tichiang ta a ni. 80ís chhoa serial lar em em mai, Dynasty-a an nu ber, Joan Collins thawmhnaw hak chhuah aṭanga he style hi lo lar ṭan niin tun hnai chhoah ngei pawh Jacket leh Coat-ah te leh Chawlhni kawrah ngei ngei pawh power shoulder dress kan tih lo lar chhuah ṭanna a ni e. Secondhand Bag i thin changa i hmuh hmaih loh tur pakhat, Prada Nylon Hand Bag, Miuccia Prada-in a siamchhuah chu bag leather-a siam tur anga ngaihna chu rawn tidanglamin, mite ngainat a rawn hlawh chho ta hle a ni. Heng lo pawh ziah belh tur tamtak la awm mah se, kan sawi vek seng lo a, kan sawi theih tawk chin ni mai se.