Spice Girls reunion an tum hnai

An album tihchhuah hmasak ber aṭanga kum 20-na a lo hnaih takah chuan Spice Girls chuan hemi pual atan liau liaua inzawmkhawm leh an tum. He thu hi Spice Girls member, Melanie Brown chuan a sawi chhuak. Kum 1996 khan Spice Girls hian an album hit Spice an tichhuak a, an hlawhtling chhunzawm hle. Tunah erawh eizawnna hrang hrang nei an nih tawh hlawm avangin an che ho hlei thei tawh lo. Spice Girls member-te hi Melanie bakah Melanie Chisholm, Emma Bunton, Victoria Beckham, leh Geri Halliwell te an ni.