BTS Jimin solo album pahnihna chhuak dawn

BTS Jimin chuan a solo album pahnihna a ti chhuak dawn tih sawiin, a teaser video pawh a rawn dah chhuak.

BIGHIT MUSIC chuan an ram huna June 18 zanlai khan Jimin solo album pahnihna, 'MUSE' chu July 19, KST chawhnu dar 1-ah tih chhuah a ni dawn tih a puang. He album-ah hian hla pasarih a awm dawn a, heng zingah hian single a tih chhuah tawh, 'Closer Than This' pawh a tel ang. He single hi nikum December khan a ti chhuak tawh a ni. A solo album hmasa ber, 'FACE' chu nikum khan a lo ti chhuak tawh bawk a, Billboard 200 album chart-ah No 2 a kai pha a ni. Jimin khian mandotary military service zawm mekin, 5th Infantry Division Artillery Brigade-ah a awm a, June 11, 2025-ah a bandmate Jungkook nen an service hi an zo dawn a ni.