Coldplay-in plastic bottle hmangin vinyl copy siam dawn

British rock band, Coldplay chuan eco-friendly album siam an tum thu sawiin, an album 10-na tur, 'Moon Music' vinyl copy chu plastic bottle hmangin an siam dawn tih an sawi.

Vinyl copy pakhat zel hi plastic bottle hman tawh hnu pakua hmang zelin an siam dawn a, special 'notebook' edition-ah pawh Guatemala-a Rio Las Vacas aṭanga plastic lak 70% zel hman tel a ni dawn bawk a ni. Band chuan he thil an tih hian carbon emission chu 85% in a tihtlem phah dawn bakah, plastic metric ton 25 chuang zet an hum thei dawn tih an sawi. Coldplay hian kum 2021 khan Music Of The Spheres World Tour-ah carbon emission tih tlemna turin solar powered light an lo hmang tawh bawk a, an tour dangte aiin carbon dioxide tih chhuah chu 59% zetin a tlem phah a ni.