18th Mumbai International Film Festival-ah Mizo delegates

June 15 - 21, 2024 chhung neih tur, Mumbai International Film Festival-ah Mizoram atangin delegates eng emaw zat an tel.

Film Festival-ah hian Ministry of Information & Broadcasting ruahmanna hnuaiah I & PR Department Deputy Director Pratap Chhetri bakah, Mizoram film industry lam aṭangin Raymond Colney (BISP), Melody G Fanai (Tin Tin Entertainment), Rinzuala (Actor), Timothy Vangchhia (Actor) te an kal a ni. Anni bakah Runmawi (Streaming App) aṭangin delegates S Lalmawipuia (Director, Operations) leh Jonathan Lalrinfela (Production Manager)-te kalin, an ni hian Mizoram Film Industry hmasawnna a nih beiseiin film maker Lalruatfela (Mart Visual Inc.) leh Actor lar Tommy Rosangliana (GRTv)-te an hruai bawk.

18th MIFF-ah hian Gala Red Carpet, Masterclass pawimawh tak takte bakah short film 107, documentary 115 leh animation 92, a vaiin film 314 screening a nei dawn a, award sem a ni bawk ang.