Ed Sheeran-a'n Taylor Swift a khum

British singer-songwriter, Ed Sheeran chu nikuma UK-a zaithiam zai ngaihthlak hlawh ber, most played artist 2023-ah puan a ni a, Taylor Swift in a dawt.

Music licensing company, PPL chuan UK-a radio, TV leh public place-a music play zat aṭangin he list hi a siam a ni. Kum kua chhung list hi ti chhuak tawhin, Ed Sheeran hi kum sarih chhung chu UK-a artist play hlawh ber a ni tawh. Tayor Swift hi kum hmasa lama No 10 aṭangin nikumah hian No 2-ah a rawn chho a, Dua Lipa chu pathumnaah awmin, Scottish DJ Calvin Harris, French DJ David Guetta leh Sir Elton John-ten an dawt bawk. Coldplay chu No 7-ah langin, rock group zinga Top 10-a lang awmchhun an ni. Chuai thei lo Madonna pawh No 10-ah a rawn lang thar ve bawk a ni. Kum 2023-a UK-a hla ngaihthlak tam ber chu Miley Cyrus hla, 'Flowers' niin Ed Sheeran 'Eyes Closed' chuan a dawt.