Taylor Swift's Angels!

1 A ngaihzawng, khawvelin a hriat lar hmasak ber chu Joe Jonas a ni a, kum 2008 July - October thla chhung khan an inngaizawng. 'Last Kiss', 'Holy Ground' leh 'Forever and Always' te hi he inngaihzawnna rah chhuah hlate an ni.

2 Joe Jonas a ṭhen hnu hian, 'You Belong With Me' hla a siampui, Lucas Till nen, March - April, 2009 khan an inngaizawng leh a, hla erawh a phuah lo tlat thung; a rei loh vangte pawh a ni mai thei.

3 'Back to December' hla kha Teen Wolf-a changtupa Taylor Lautner a phuahna a ni. Ani nen hian kum 2009 August
aṭanga December thla chhung khan an inngaizawng.

4 Taylor Lautner a ṭhen deuh chiah tihin, December 2009 aṭang khan John Meyer nen an inngaizawng leh a, a kum leh, kum 2010 February thleng a daih. An inngaihzawnna hla mal han thur chhuah fak tur awm lo mah se, a hla ṭhenkhatah chuan John Meyer sawina ni ngeia ngaih hla thu, tlar hnih khat vel hmuh tur a awm. John Meyer leh Katy Perry an inngaihzawn khan Taylor Swift chanchin a ri fo a, Katy Perry nen pawh an inngeih loh phah nia sawi a ni.

5 Yahoo!-in an kawmnaah Taylor Swift chuan 'Mine' hla kha Cory Monteith a phuahna a ni tih a sawi. Monteith nen hian April 2010 aṭanga May thla thleng kha an inngaizawng.

6 Cory Monteith dawta a ngaihzawn leh chu Jake Gyllenhaal a ni a, ani hi Swift chuan a theihnghilh tawh lo ang. Taylor Swift hian a hla 'The Last Time'-ah khan Jake chungchang hi phuah chhuakin, 'Put my name at the top of your list' a ti. Swift hian Jake hi tawnhriat a neihpui a ni tih a sawi. Jake nen hian Oct 2010 aṭanga January 2011 chhung khan an inzui.

7 Oscar-a Best Actor dawng tawh Eddie Redmayne nen pawh hian October 2011 aṭanga January 2012 chhung khan an lo inngaizawng tawh nia sawi a ni a, mahse Redmayne erawh chuan a pha thung.

8 Feb aṭanga March 2012 chhung khan Zac Efron nen pawn an lo inzui ve zuai tawh niin an sawi a, mahse anni pahnih hian an 'ni' lo tih an sawi.

9 'Begin Again' hla i ngaihthlak chuan Conor Kennedy hre chhuak la, ani nen hian Swift hi July 2012 aṭanga October 2012 chhung khan an lo inzui tawh a, he hla hi Swift hian Kennedy tan hian a phuah a ni.

10 One Direction member, Harry Styles nen kum 2012 December aṭanga kum 2013 January thleng khan an inngaizawng a, 'I knew you were trouble' kha he inngaihzawnna aṭanga a phuah a ni. 1989 album-a 'Out of the woods' kha Harry Styles nena an inṭhenna hla a ni.