Lava phone thar man tlawm

Lava chuan a smartphone siam thar chu a zuar chhuak ṭan a, he phone hi A82 niin, Rs. 5,299 man a ni.

Lava A82 hi a display resolution a ṭhat tawk loh hmel a, mahse a dang erawh a pangngai khawp mai. A display resolution hi phone tam tak aiin a hniam deuh a, 480x854 a ni a, a pixel density hi 196ppi a ni. A processor hi 1.2GHz quad-core a ni a, 1GB RAM a hmang. Internal storage a pangngai a, 8GB a ni a, micro SD card a hmang thei a, 32 GB-a lian thleng a hman theih.

Android 5.1 Lollipop a hmang a, a camera hi a man ngaihtuah chuan a ṭha ve hle a, a hnung lam bik hi 5MP a ni a, a hmalam erawh 2MP a ni. 3G a hmang thei a, a battery hi 2000mAh a ni.