TMNT: Out of Shadows Beisei angin a pui tâwk lo

USD mtd 135 zet senga an siam, Megan Fox channa, Teenage Mutant Ninja Turtles: Out of the Sha≠dows chu North America box office-ah pakhatna chu a rawn hauh ngei mai a, mahse a siamtute beisei a pha tlat lo.

Kar tawp ni thum chhunga a sum lakluh hi a tam ve viau tho nachungin, a siamna senso ngaihtuah chuan a ropui t‚wk lo deuh; ni thum chhung khan USD mtd 35.3 a thawk chhuak a, a chhuak hmasa zawk pawh kha opening week-ah chuan a tluk lo.

US-a a dinhmun a
ṭha vak lo a, mahse ram dang≠ah tlemin a ziaawm a, hei hian a chh‚wk hle. US pawn aṭangin USD mtd 34 a lalut a, hengte nena a sum lakluh zawng zawng chu USD mtd 69.3 lai a ni a, a siamna senso hi chu a khuh thei ngei tura ngaih a ni. TMNT film hmasa zawk kha chuan opening week-ah USD mtd 65.6 zet lalutin, a sum lakluh zawng zawng chu USD mtd 493.2 lai a ni.

X-Men: Apocalypse chu pahnihnaah a awm a, hapta hnih chhuah a nih hnuah USD mtd 22.3 lai mai a lalut thei a, hengte nen hian US aṭanga a sum hmuh tawh zawng zawng hi USD mtd 116.5 lai a ni. US pawnah pawh TMNT aiin a che ṭha fe zawk a, kar tawp chhung khan USD mtd 84.4 a ni. Hengte nen hian USD mtd 400 zet a thawk chhuak tling tawh.

Box office movies

"Teenage Mutant Ninja Turtles: Out of the Shadows" - $mtd 35.3

"X-Men: Apocalypse" - $mtd 22.3

"Me Before You" - $mtd 18.3

"Alice Through the Looking Glass" - $mtd 10.7

"The Angry Birds Movie" - $mtd 9.8

"Captain America: Civil War" - $mtd 7.6

"Neighbors 2: Sorority Rising" - $mtd 4.7

"Popstar: Never Stop Never Stopping" - $mtd 4.6

"The Jungle Book" - $mtd 4.2

"The Nice Guys" - $mtd 3.5