Khawvela hla hralh hnem ber White Christmas

Hla ril leh ṭha, hit tak tak a chhuak ṭeuh tawh a, a chhuak zel dawn a, mahse Bing Crosby hla 'White Christmas' tluka hralh hnem hi chu a v‚ng tawh khawp ang. Musician ropui tak tak, hla phuah thiam tak an chhuak zel a, mahse Bing Crosby-a han l‚n zo khawp erawh an awm hlei thei lo a ni; Adele hla mal, hit tak tak pawhin a tluk lo.

'White Christmas' hla hi kum 1942-a Irving Berlin phuah a ni a, he hla, Bing Crosby sak chu Guinness World Record chuan hla mala hralh hnem ber tiin a record. Physical sale an tih, cassette emaw, CD emaw, DVD ang chia an hralh ngawt pawh copy maktaduai 50 vel zet a ni a, digital te nen chuan copy maktaduai 100 vel niin an sawi.

He hla hi kum 1942 khan Bing Crosby chuan a tichhuak a, a hlawhtling hle a, amah chauh ni loin, a hnu zelah zaithiam dangte pawhin an rawn sa zel a, hengte nen zawng zawng chuan, 'White Christmas' hla hi copy maktaduai 150 vel zet an hralh tling.

Bing Crosby hi American zai≠thiam leh lemchan thiam a ni a, a hla hralh chhuah zawng zawng hi copy tluklehdingawn khat a tling niin an sawi. Kum 1977 khan a thi tawh a ni.

White Christmas dawta hla hralh hnem ber chu Elton John-a hla pahnih - Candle in the Wind leh Something About the Way You Look Tonight' te kha a ni a, copy maktaduai 33 zet a hralh. Candle in the Wind leh The Way You Look Tonight hlate hi cassette pakhata dah a, tihchhuah a ni a, Lady Diana puala a hlan kha a ni.

Pathumna chu Bing Crosby sak bawk 'Silent Night' niin, kum 1935-a tihchhuah a ni a, copy maktaduai 30 hralh chhuah a ni. Palina hi Mungo Jerry hla 'In the summertime' niin, copy maktduai 30 vel bawk hralh a ni a, Bill Haley & His Comets sak 'Rock around the Clock' chu pangana a ni a, kum 1954-ah tichhuakin, copy makta≠duai 25 an hralh.

Hla mal hralh hnem ber ber 13 zingah Mizotean kan hriatlar tak tak pawh an awm. Whitney Hous≠ton hla 'I will always love you' chu 7-naah a awm a, Elvis Presley hla 'It's now or never' chu 8-na, USA for Africa-tena an sak lar 'We are the World' chu 9-na a ni. John Travolta leh Olivia Newton John te sak "You're the One That I Want" te, Bryan Adams hla hit "(Everything I Do) I Do It for You" te, Celine Dion "My Heart Will Go On" te pawh a lang pha.