IS beih nana ral­thuam ṭha Bollywood hla

Bollywood ISIS tan chuan Bollywood hla ngaihthlak hi sual lian tak a tling Islam sakhaw dodalna niin an ngaiMuslim firfiak pawl, IS ten hmun hrang hrangah indona an chawkchhuak zel a, an indona hmun pakhat chu Libya ram a ni. Libya-ah hian British sipaite chuan IS beih nana an ralthuam hman pakhat chu, silai leh missile te ni loin Bollywood hla a ni.

British sipaite hian Libya sipaite training an pe mek a, Sirte chheh≠vel aṭanga IS te nawr chhuak turin an zirtir a ni. Hetah hian ralthuam pangngai mai bakah, rilru lama inbeihna hmanraw pawimawh tak atan Bollywood hla, keinin Vai hla kan tihte hi an hmang a ni.

IS beih nana Bollywood hla hman chung≠chang ngaihtuah chhuaktu hi Pakistan-a piang, intelligence officer, British Army-a awm mek chu a ni. Ani hian ISIS beih nana hmanraw ṭha tak chu Bollywood hla a ni tih sawiin, Bollywood hlate hi Muslim, a bikin ISIS te chuan Islam sakhaw tana music ṭha lo, Muslim-te tana ngaihthlak chi lohah an ngai a ni.

Bollywood hla an play hian ISIS te chuan an duh lo hle a, chutiang music an play chu khawi aṭanga lo chhuak nge tihte radio kaltlang ten an inzawt kual a, chu chu lo man chhawngin an awmna hmun awlsam zawkin an hriat theih phah niin an sawi.