Kum 30 hnuah ABBA

Kumin January thlaa Mammia Mia! The Party restaurant hawnnaa an group pangngaia an inlan hnuah, kum 30 hnua a vawi khat nan ABBA chu stage-ah an rawn chuangkai leh ta.

Pathianni khan ABBA member zinga mi, Bjˆrn Ulvaeus chu kum 71 a tling a, hemi lawmnaah hian ABBA te hi stage-ah an zai leh a ni. A member-pui - Benny Andersson chu kum 69 mi a ni tawh a, Anni-Frid 'Frida' Lyngstad chu kum 70 mi niin, Agnetha Faltskog chu kum 66 mi a ni. Bjˆrn leh Agnetha te hi kum 1971 khan an innei a, kum 1980 khan an inṭhen a, Benny leh Frida te pawh hi kum 1978 khan inneiin, kum 1980 khan an inṭhen leh a ni.

ABBA hi kum 1974-a Eurovision Song Contest-ah khan pakhatna an ni a, heta ṭang hian khawvelah an lar chho ta a ni. Hlawhtling taka an zai hnuah kum 1982 khan an in-
ṭhen darh ta a ni. An in-
ṭhen darh hnua an palia an perform hnuhnung ber chu kum 1986 daih tawh kha a ni a, kha mi hnu kha chuan an tiho leh ta ngai lo. Kumin January hla khan Sweden khawpui Stockholm-ah Mamma Mia! The Party restaurant hawn a ni a, hetah hian an paliin an inlan.