Billboard 200 : 'The Tortured Poets Department'-in thla hnih hma hruai ta

Billboard 200 album chart-ah Taylor Swift album thar, 'The Tortured Poets Department' khum thei an la awm lo a, thla hnih chhung chart hmahruaitu a ni ta.

April 19-a tlangzarh tawh, 'The Tortured Poets Department' hian hian kar liam ta chhung khan US-ah equivalent album unit 128,000 a nei belh leh a, album sales 23,000 a nei leh bawk. Billie Eilish 'Hit Me Hard and Soft' chu No 2-ah rawn chhoin, a kar linaah equivalent album unit 106,000 a la nei thei bawk a ni. No 3-ah Charli XCX album thar, 'Brat' a rawn lang a, equivalent album unit 82,000 neiin, kar khat chhunga album a hralh chhuah ṭhat ber ṭum a ni.

Morgan Wallen 'One Thing At a Time' chu No 4-ah a ding nghet zel a, Bon Jovi album thar, 'Forever' chu No 5-ah a rawn lang bawk a, Top 10 chart-a lang thei album 14 an neihna a ni. ATEEZ 'Golden Hour :Part 1' chu No 2 aṭangin No 6-ah a tla thla thung. Top chart dinhmun lo luah reng tawh, Morgan 'Dangerous : The Double Album' chu No 7-ah awmin, Noah Kahan 'Stick Seaon' leh Shaboozey 'Where I've Been, Isn't Where I'm Going' te pawhin chart hmasaa an dinhmun an pha lo a, hetihlai hian Chappell Roan 'The Rise and Fall of a Midwest Princess' chu Top 10-ah a rawn lang ve thung.