CWM Board of Directors-ah Zodinpuii

Durban, South Africa-a Council for World Mission Assembly neih zawh takah Presbyterian Church of India (PCI) youth delegate, Zodinpuii chu CWM Board of Directors zingah thlan tel a ni a, UK Trustees-a thlan a ni bawk. He post hi 2024-2028 chhung a chelh ang.

CWM Assembly hi kum 4 dana neih ṭhin a ni a, PCI aiawh hian mi pali (Ordained, woman, youth leh layman) an kal. Assembly hi June 12-19 inkarah neih niin, thupui atan 'Rise to Life : Together in Transformation' tih hman a ni.

CWM Board of Directors atana thlan, Zodinpuii hi Bawngkawn Shalom Kohhrana lawi a ni a, SYNFO-ah TV presenter a ni bawk.