Post Malone album thar chhuah hun tur puang

American rapper leh singer, Post Malone-a studio album parukna tur chu August 16-ah tih chhuah a ni dawn ta.

Album thar hming leh a chhuah hun tur hi Nashville-a billboard hmangin puan a ni a, Post Malone hian Instagram lamah a rawn nemnghet zui ve leh bawk. A album thar tur hi country lam hawi deuh a ni dawn tih a lo sawi tawh a ni. Tun hnaiah Posty hian country star, Morgan Wallen nen an thawhdunna, 'I Had Some Help' chu chart lamah a chet ṭhatpui hle a, Blake Sheldon nen 'Pour Me a Drink' an siam dun leh dawn bawk. Stagecoach Festival-ah pawh country star dang - Lainey Wilson, Ernest leh Ashley Gorley-te nen an lo inlan tawh bawk a ni. 'F-Trillion' track list hi puan la ni lo mah se, Luke Combs leh Morgan Wallen a thawhpuinate pawh an tel dawn nia sawi a ni.