Steam-ah Banana game a lar

Game chhuak thar pakhat, balhla thla lo lang lo click ringawt chu video game digital distribution service, Steam-a game lar zual zingah telin, Hogwarts Legacy leh Baldur Gate 3 te a rawn khum.

He game hi 'Banana' tih tawp niin, Steam-a games khelh nasat Top 9 a ni der a, SteamDB in a tarlan danin, he game kheltu banana clicker hi 884,469 a tling chho tawh a ni. Kum 2023-a US-a best selling game ni thei, Hogwarts Legacy kheltu hi an tam lai berin 879,308 an ni a, tunah hian Steam-ah Top 10 a ni. Player 875,343 nei, Baldur Gate 3 chu Banana hian Top 10 aṭangin a nek chhuak. Steam chuan, 'Banana hi clicker Game niin, Banana chu click mai tur a ni. Banana tam zawk nei turin Banana chu in click a ngai a ni," tiin he game chungchang hi a tarlang!