Peso Pluma album thar a chhuak ta

Mexican singer, Peso Pluma chuan a album pahnihna, 'Éxodo' chu an ram huna Ningani khan a ti chhuak ta. He album hi two-disc set niin, disc pakhat zawkah hian a signature corridos 16 awmin, second disc-ah hian hard-hitting trap leh hip-hop song pariat a awm thung.

Pluma hian Cardi B, Quavo, Rich the Kid, Ivan Cornejo, Neton Vega leh Luis R Congriquez a thawhpuina pawh a dah tel a ni. Kum 2023 khan Peso Pluma hi Billboard Rookie of the Year niin, a album hmasa ber 'Genesis' chu Billboard 200-ah Mexican music album zingah ranking nei sang ber a ni a, No 3 a thleng pha. Kumin kumtir lam khan Grammy-ah best musica mexicana album a lak pui bawk a ni. Tunah hian Live Nation produce-na hnuaiah 'Exodo Tour' a nei mek a ni.