Blackpink-in ram 110-ah concert film tlangzarh dawn

Blackpink 8th anniversary pualin an concert film thar, “BLACKPINK WORLD TOUR [BORN PINK] IN CINEMAS” chu ram 110 chuanga theatre-ah an ti chhuak dawn.

Movie an tih chhuah tur hi minute 92-a rei a ni dawn a, nikum September thlaa Gochok Sky Dome-a 'BORN PINK' finale concert an neiha footage dah a ni dawn a, July 31 hian tlangzarh a ni ang. Yoondong Oh leh Guen Min ten an direct a ni a, format hrang hrang - ScreenX, 4DX leh Ultra 4DX-te tih chhuah a ni ang. Black Pink hian Born Pink tour hi October, 2022 aṭanga September, 2023 chhung khan an nei a, khawpui 34-ah show 66 an nei a, an concert chhimtu hi mi maktaduai 1.8 an tling. K-pop girl group tour neih tawha sum lak luh tamna ber a ni.